GUC Cairo on Robocup 2009

السلام عليكم


في مسابقة الروبوكب السنة دي شاركت الجامعة الالمانية

(GUC Cairo)

بإسم مصر و فازت بالمركز الثاني في المسابقة التي شاركت فيها الي كان اسمها
Festo Hockey Challenge Cup

مش عاوز انسي اساميهم عشان ان شاء الله هيبقو علماء كبار في المستقبل ان شاء الله
اسمائهم
احمد الملا – حسين فهمي – مينا زاهر – هالة جابر (الفرقة الخامسة)
و كان مشرفين عليهم دكاترتهم
أ.د.هاني هجرس - أ.د.ربيع رمضان - أ.د.مصطفي نويتو

ما شاء الله عليهم رفعو راس مصر بجد

المسابقة تقريبا السنة دي كانت متشات كورة
تقريبا كان ليها تلت مسابقات هما شاركو في واحدة منهم اسمها
Festo Hockey Challenge Cup
و كسبو كل متشاتهم ماعدا متش في النص و المتش النهائي و خسروه بالبلنتيات
و طبعا اساس الخسارة او الربح علي طريقة عملهم للروبوت
و الذكاء الاصطناعي الي بيبرمجو بيه

السايت بتاع المسابقة كلها
http://www.robocup2009.org/
و دي نتايج المسابقة الي لعبوها كلها علي نفس السايت
http://www.robocup2009.org/308-0-Results.html


و ده فيديو علي اليوتيوب من جزئين فيه شوية من الي حصل في المتشات بتاعتهم
بس لازم تشوفوهم
http://www.youtube.com/watch?v=nSNV2vQt1qY
http://www.youtube.com/watch?v=pHrPgG_kk0M

في الاخر بقول الف مبروك لمصر الكأس و طبعا الشباب الي هيبقو حاجة كبيرة ان شاء الله في المستقبل


سلااااام

Mahmoud Mohamed Ahmed Badry

FCI Fayoum University

Project natal xbox 360

السلام عليكم

حد لعب جيمز قبل كدة...!!!

تقريبا اغلبنا لعب الاتاري و البلاي ستيشن و حتي علي الكمبيوتر

بس بعد الي انا شفته

حسيت ان انا عمري ما لعبت جيمز قبل كدة!!!!!

في مشروع اسمو

Project Natal

علي جهاز العاب اسمو

Xbox 360

البروجيكت ده انك تلعب العاب علي الجهاز ده من غير اي دراعات او اي controllers

مجرد هتلعب بجسمك

في سينسورس (مجسات في الاجهزة دي)

بتفهم اي حاجة بيعملها الجسم

و ده الي مكتوب في السايت بتاع الي عاملين المشروع ده

كتقديم للمشروع

No Strings (or Controllers) Attached.

Introducing Project Natal, a revolutionary new way to play: no controller required. See a ball? Kick it, hit it, trap it or catch it. If you know how to move your hands, shake your hips or speak you and your friends can jump into the fun -- the only experience needed is life experience

السايت بتاعهم

http://www.xbox.com/en-US/live/projectnatal

و عاوزكم كمان تشوفو الفيديو ده عشان تشوفو الفكرة علي حق

http://www.youtube.com/watch?v=g_txF7iETX0

و الموضوع مليان فيديوهات ممكن تشوفوها علي اليو تيوب و علي الموقع بتاعهم

بصراحة الموضوع حلو اوي

و بين ان احنا فعلا متاخرين جدا

مش شرط في العاب.!!

انهم يعملو حاجة زي كدة ازاي نفسي افهم الفكرة..!!

و ده فيديو كوميدي شوفو و هتفهمو ان العالم ممكن يتقلب راسا علي عقب بال simulation

http://www.youtube.com/watch?v=qNuRQmvykwk

العالم قاعد يتطور و احنا زي ما احنا

ال simulation بقي حاجة مهمة جدا في العالم كله

مش عارف امتي نشوف حجات زي دي في مصر

يا ريت يكو ن الموضوع عجبكم

سلااااااام
-----
Mahmoud Mohamed Ahmed Badry
FCI fayom University

بسم الله نبدأ

ده أول بوست ...

- هـ يكون فيه إن شاء الله كل حاجه خاصة بـ البلوج ده -

البلوج ده إن شاء الله هـ يكون لكل الحاسوباتيين ...

و إن شاء الله هـ نتفق على ميل يكون مخصوص بالبلوج ده ...

- موجود فـ آخر البوست -

لو عايزين ننشر أي حاجه لينا .. من إبداعنا يعني ...

1. نبعتها ع الميل ...

2. نكتب النيك نيم أو اسمنا ...

3. العنوان اللي البوست هـ ينزل بيه ...

4. نقول احنا من أنهي جامعة .. الفرقة الكام ...

5. ياريت لو قدرنا نبعت ملف تكست بالموضوع إحتياطي ...

- عشان التنسيقات أحياناً بـ تعصلج -

ممكن مع مرور الوقت .. و لو البلوج حقق نجاح إلى حد ما ...

مش هـ اكون لوحدي المسئوله عنـّه ...

ممكن أكتر من حد منكم يكون مسئول عنـّه كمان ...

الفكره إن شاء الله لو اتحققت .. ممكن تكبر و تبقى حلوه قوي ...

عايزين تفاعل و نشاط ... و كمان عايزين شجاعة ... !!

الموضوع ده أحياناً بـ يبقى محتاج شجاعة ...

لو كل واحد فينا حط فـ دماغه إن جوّاه مبدع ...

وحاول فعلاً يطلع إبداعه ده بالطريقه الصح ...

أكيد إبداعه هـ يطلع ...

بس الأهم من ده كله المحاوله بجد .. و الثقه إن فيه مبدع جوّاك ...

يمكن الفكره الأساسية للبلوج إن يكون فيه مكان يجمع الحاسوباتيين ...

- على قد مـ نقدر يعني -

يمكن كمان لنشر مواهب أكيد مستخبيّه جوّه الشباب ...

- اللي للأسف أغلب الناس فاكرينهم هايفين و مـ لهومش لازمه -

يمكن اللي بيخاف ينشر حاجه أو متردد أو مش لاقي مكان يساعده ع النشر ...

ممكن بداية التشجيع من هنا ...

لانه ممكن ينشر أي حاجه ليه تحت أي نيك نيم مـ يعرفوش غيره هو ...

و ممكن كمان يستفيد بالنقد البنـّاء لو وجد يعني ... !!

- اللي يقدر ينتقد أي عمل بإسلوب مهذب أكيد هـ يفيدنا كلنا -

أي نوع مـ الإبداع مقبول طالما مش خارج ولا مُضِّر ...

الكتابة بأنواعها (عامي,فصحى,قصصي,ساخر) , خواطر , جرافيكس , ... إلخ

ممكن كمان مناقشات , رأيك فـ حاجه أو ظاهرة منتشرة ...

يعني مش هـ نحدد حاجات معيّنه ...

حاجه كمان ...

مش لازم العمل يكون لأول مره بـ يتنشر ...

يعني أنا مثلاً عندي بوست معيّن بحبه قوي .. و منزلاه فـ البلوج بتاعي ...

ممكن أجيبه هنا كمان ... ايه المانع ... ؟؟!!

بس مش معنى كده إن أجيب كل البلوج هنا ... !!

المهم نلتزم بالأساسيات ...

و أعتقد إحنا مش صغيرين عشان نوضح الأساسيات دي ...

و من ضمن الأساسيات المهمه ...

إن المواضيع اللي هـ تتبعت تكون بـ إسلوبكم ...

لو الفكرة عجبتكم ... تقدروا تنشروا البلوج ده لأي حد من أصحابكم ...

و تقدروا تبعتوا مدوناتكم ع الميل برضو ...

عشان نضيفها لـ قايمة المدونات الحاسوباتيه ...

و نجمع أكبر عدد ممكن مـ الحاسوباتيين ...

فيه تصويت كمان لو تقدروا تشاركوا فيه ...

الميل اللي ممكن تبعتوا عليه أعمالكم .. أو حتى محاولتكم ...

fci_blog@yahoo.com

شكراً ... لحسن إستماعكم و إستحمالكم ... !!

*.-.-. fOsDo2a .-.-.*